Gwamna Ben Ayade ya fice daga PDP

Gwamnan jihar Cross Rivers, Farfesa Ben Ayade ya sauya sheƙa daga jam’iyar PDP zuwa APC mai mulki.

Gwamna Ayade ya bayyana wannan matsayar tasa a safiyar Alhamis a wata ganawa da gwamnonin APC shida da suka ziyarce shi a gidan Gwamnatin jihar dake birnin Calabar.

Gwamnonin da suka ziyarci Ayade sun haɗa da Gwamnonin Kebbi, Imo, Yobe, Plateau, Jigawa, da Ekiti.

A ranar 5 ga watan Mayun da muke ciki Ben Ayade ya gana da abokan aikinsa Gwamnonin Jihohin Sokoto, Enugu da Delta waɗanda suka je jihar domin ɗinke baraka da ta kunno kai a jam’iyar PDP a jihar ta Cross Rivers.