An kashe mutum biyar a hatsaniyar siyasa a Gombe

Gwamnatin Jihar Gombe ta yi Allah-wadai da hatsaniyar da ta faru a babban birnin jihar, yayin ziyarar da tsohon gwamnan jihar kuma Sanata mai wakiltar Gombe ta tsakiya Sanata Danjuma Goje ya kai Gombe.

Cikin wata sanarwa da Kwamishinan yaɗa labarai na jihar Julius Ishaya Lepes ya fitar ya ce Goje ya tattaro ‘yan daba daga kananan hukumomin jihar daban-daban ɗauke da makamai domin su raka shi inda zai je daga filin jirgin saman da ya sauƙa.

Sanarwar ta ƙara da cewa ko a bara lokacin babbar sallah yaran Sanata Goje sun tayar da hayaniyar da kuma ta yi sanadin mutuwar mutum biyu a lokacin.

• Facebook

  Twitter